ÇÜN BEZM-İ EZEL

ÇÜN BEZM-İ EZEL

Çün bezm-i ezel açıldı bugün

Ol dost ile bayram oldu bugün

Aşıklara seyrân oldu bugün

Nûr Muhammed'in bendeleriyiz

Vahdet gülünün bülbülleriyiz

Tesnîm şarâb mestânesiyiz

Şem'a-i muhît pervânesiyiz

Esdâf-ı vücûd dürdânesiyiz

 Nûr Muhammed'in bendeleriyiz

Vahdet gülünün bülbülleriyiz

Sâkî-yi şârab ol Haydar Alî

Doldurdu bize cür'a-yı sâfî

Eyledi ebed Mestâne bizi

Nûr Muhammed'in bendeleriyiz

Vahdet gülünün bülbülleriyiz

Nakşîbendi'nin sâlikleriyiz

Rif'at Melâmi havzeleriyiz

Seyyid Alî'nin dervîşleriyiz

Nûr Muhammed'in bendeleriyiz

Vahdet gülünün bülbülleriyiz

Ten Ya'kûb'unun mahbûblarıyız

Cân Yûsuf'unun âşıklarıyız

Derde düşenin tabîbleriyiz

Nûr Muhammed'in bendeleriyiz

Vahdet gülünün bülbülleriyiz

Ol kutb-ı cihân eyledi ayân

Fakriyle fenâ bildirdi beyân

Tahsîlde göründü cümle ayân

Nûr Muhammed'in bendeleriyiz

Vahdet gülünün bülbülleriyiz

Aşkile firak zevkile sibak

Bildirdi bize mecmû-yi kitab

TALİBÎ'ye çekmez dostu nikab

Nûr Muhammed'in bendeleriyiz

Vahdet gülünün bülbülleriyiz