ZÜMRE-İ EHL-İ MELÂMET

ZÜMRE-İ EHL-İ MELÂMET

Zümre-i ehl-i melâmet dersi Hakk'tan aldılar

Zevklerine yok nihâyet çünkü Hay'dan aldılar

Reyn-i kalbi ettiler pâk darb-ı zikr u fikrile

Kıylu kâlden geçtiler hep hubb-i fillâh aldılar

Nefsi hiçe saydılar kim "Fâil Allah" bildiler

Gamze-i cilve-i Mahbûb'tan atâlar aldılar

Her sıfatı mevsûfu mutlaka nisbet ettiler

Ol cemâl-i şems-i enverden tenevvür aldılar

Çün vücud-ı Hakk'a mazhar zâtına mahvoldular

Havf-ı mevtten kurtulup hay lâyezâli aldılar

Bir adem şehrine nisbet varlğı selbettiler

Kaf ademde cismi yok bir şekl-i Anka aldılar

TALİBÎ Fahr-i risâlet fakrı tercîh ettiler

Fakrile fahreyleyenler yokluğa var aldılar